黃師傅與你
5**學生是怎樣鍊成的？ ＜香港藝術家模擬文憑試＞小結
◆文: Vangi@2012新高中文憑試研究計劃小組
334新學制推行第三年，7月20日終於有第一批考生放榜，同日香港藝術家模擬文憑試展覽於活化廳揭幕，展出5月底舉行的＜香港藝術家模擬文憑試＞答題，分別有視覺藝術科視覺形式表達主題考卷及中文科閱讀理解及寫作卷。展覽期間觀眾可參與覆核，為答題評級 (今年等級改由1-5級表示，第5級為最高等級，於第5級內又分為5**及5*，代表最佳成績及較佳成績) ，部份觀眾更認真地花上超過兩個小時駐足活化廳。
8月11日在活化廳舉行了一場有關334文憑試的公開討論會，邀請了真文化局局長何許仁先生、有份參與是次考試的寫作人、藝術家、策展人、應屆考生及教師參與。雖然參與人數不多，但討論內容豐富，從中文科的閱讀理解試卷考試制度如何引導學生以割裂的情感「分析」不同文章 (詳見俞若玫
《閱讀操練，也是一種訓練》)，到考生分享如何「詮釋」考題，到視覺藝術科都要求學生以同樣手法比較作品，連藝術創作部份都要按照考評局的評分準則解題，不容許靈感乍現。
視藝科的討論中，有老師解釋獲5**評級的考生處理文字資料能力要高，能流暢地解釋創作過程及作品訊息，而老師往往都要出手協助修改編輯，因此有老師打趣說：得到5**評級中，一粒星是給學生的，另一粒星是要給老師的。在78份收集得來的評紙中，有band 3學校的視藝老師概嘆自己的學生沒可能拿到第5級成績，但又不敢將真相告知考生。有人認為這些評審準則是迎合市場需求，模塑合適未來本土藝術市場的人才。
最後一位考生更在討論會中坦言，老師要求他們在不懂回答的題目中引用虛假數據來掩飾過關，或許這正是考評局公佈的第五等級描述中所謂：「能把概念和技巧有效地應用到多元和複雜的不熟悉情境，顯示深入的見解」。
334新學制推行第三年，7月20日終於有第一批考生放榜，同日香港藝術家模擬文憑試展覽於活化廳揭幕，展出5月底舉行的＜香港藝術家模擬文憑試＞答題，分別有視覺藝術科視覺形式表達主題考卷及中文科閱讀理解及寫作卷。展覽期間觀眾可參與覆核，為答題評級 (今年等級改由1-5級表示，第5級為最高等級，於第5級內又分為5**及5*，代表最佳成績及較佳成績) ，部份觀眾更認真地花上超過兩個小時駐足活化廳。
8月11日在活化廳舉行了一場有關334文憑試的公開討論會，邀請了真文化局局長何許仁先生、有份參與是次考試的寫作人、藝術家、策展人、應屆考生及教師參與。雖然參與人數不多，但討論內容豐富，從中文科的閱讀理解試卷考試制度如何引導學生以割裂的情感「分析」不同文章 (詳見俞若玫
《閱讀操練，也是一種訓練》)，到考生分享如何「詮釋」考題，到視覺藝術科都要求學生以同樣手法比較作品，連藝術創作部份都要按照考評局的評分準則解題，不容許靈感乍現。
視藝科的討論中，有老師解釋獲5**評級的考生處理文字資料能力要高，能流暢地解釋創作過程及作品訊息，而老師往往都要出手協助修改編輯，因此有老師打趣說：得到5**評級中，一粒星是給學生的，另一粒星是要給老師的。在78份收集得來的評紙中，有band 3學校的視藝老師概嘆自己的學生沒可能拿到第5級成績，但又不敢將真相告知考生。有人認為這些評審準則是迎合市場需求，模塑合適未來本土藝術市場的人才。
最後一位考生更在討論會中坦言，老師要求他們在不懂回答的題目中引用虛假數據來掩飾過關，或許這正是考評局公佈的第五等級描述中所謂：「能把概念和技巧有效地應用到多元和複雜的不熟悉情境，顯示深入的見解」。
一個人的煮：【伴面孖寶】【送飯良品】
街坊們，大熱天時係時候醒下個胃！【伴面孖寶】
酸涼瓜：涼瓜去囊切片，鹽水灼熟吹涼，以少量糖醋抹勻拌好，食得！
辣芹黃豆：黃豆浸水半天，熱水煮滾用蓋焗至涼透，隔水吹乾，拌以辣椒絲、少量鹽、麻油，最後加上中芹碎。
【送飯良品】
清炒豆角：長豆角洗淨切段，蒜頭搗碎，燒紅鑊落油、蒜、豆角、鹽糖少量，炒至碧綠灑酒灑水，熄火焗1-2分鐘。清甜爽口。
酸菜魚：鯇魚塊或片(無需太薄），洗淨吹乾上生粉；酸菜及紅辣椒一併切碎。先將魚略煎至轉色，待用；將酸菜辣椒放入鑊中爆香，加水滾至出味略加調味，調文火放入魚塊燜五分鐘，熄火放胡椒粉。送飯至啱！
眼前剩吉鋪 昔花留心田
在長長的上海街，好些淺淺的轉角舖，賣鏡﹑賣秤﹑賣神像等都好有特色，但鄰近活化廳的碧街街角，除了得如酒樓的大堂夠經典，過個交通燈，就係現已搬走到斜對面街的財記花店。財記老闆同老闆娘，都係勤力之人，街坊擦身而過，總會見到佢地埋首理花或搬運花籃等。這個街角，既有車位俾佢地泊架送貨van，仲有個街角欄柵閘出來的吉角位，可以好好利用，成為其部份工序的活動空間。難道噴水澆花，全部係室內搞，令到間舖整日地濕濕？小舖延伸到街上，人們在街上幹活，一直以來，本是舊區中很自然的一件事。花店和相鄰的曬相店的沖相機器要求不一樣，不用關門儲冷氣，大門開放，重重幾排鮮花，不但嘗心悅目，花芳更飄滲到我們的城市街道空間，在鬧市中給人們一股清新芳香氣，叫人精神一振。可惜自從這區成了中港交通客運站，人流使到業主滿以為大有商機，經常被擾人的地產經紀摸舖游說轉售圖利，結果，租價被炒起，新租金又往往只有連鎖店能招架，外來因素一波一波影響了整個社區的街道面貌，消費模式和生活水平，老街坊朝見口晚見面的人情問候，都慢慢被公式化的歡迎光臨所取代，也斬斷了街坊檔主間長期維繫的互助互信。不過，如果我們想這些生活形態得到保留，大可以從每次消費的選擇上著手，並多多閒聊，建立社區友情。財記花店舊舖大大話話都做左大概16年，隔離涼茶鋪仲做左可能20年以上添，雖然花店老闆同老闆娘常掛的笑容，不過搬移到碧街生果檔後不遠處，但每次行過見到吉空的轉角舖位在招租，還是總有點失落。
黃師傅與你
溶入新社區點滴
又到咗活化廳年年跟藝發局傾續約嘅時候，不知不覺嚟到活化廳都有兩年喇。其實要講同油麻地呢個社區建立關係，都唔係好易諗有乜可以講，話哂我長期都唔喺住這區，從九龍東屋企往返深水埗，到後來去左兆基創意書院，再到活化廳，都係搭架２號Ａ巴士；話同街坊建立關係唔係話冇，但同以前往嘅街鄰街里關係比較，始終大不如前。有啲關係，真係要日積月累，日日接觸，或者持續經常幫襯咁建立出嚟。
譬如我日日返嚟，係旺角落車，經常都幫襯波鞋街檔報紙檔，佢過左十一點，就冇紙巾送，不過就會減壹蚊，我經常都同佢買，買到熟了，就都唔洗講要邊一份報紙，間中老闆佢可能會主動話，唔好意思，今日入得少左紙，乜報賣哂囉，咁我就都話聲唔該，就唯有去第二檔買咯。雖然係通過買報紙成為熟客，大家都可以仲係幾陌生，反而有日又如常去買報紙，老細佢見到我就大聲咁話，我噚晚見你上電視喎！結果都係要經過電視媒體，佢先至忽然知道咗我呢個客多一啲嘢。
又例如三餐呀，我唔係經常係油麻地呢頭食嘢，當初嚟到，多啲幫襯強記，佢有些似以前深水埗我間舖附近間茶餐廳，平平地又近近地，不過喺幾個熟街坊嘅介紹下，我依家都多咗幫襯朗豪坊車站上邊嗰個熟食中心，睇吓下次會唔會喺嗰度撞倒你？又或者你地仲有冇好介紹俾嚟呢？
又到咗活化廳年年跟藝發局傾續約嘅時候，不知不覺嚟到活化廳都有兩年喇。其實要講同油麻地呢個社區建立關係，都唔係好易諗有乜可以講，話哂我長期都唔喺住這區，從九龍東屋企往返深水埗，到後來去左兆基創意書院，再到活化廳，都係搭架２號Ａ巴士；話同街坊建立關係唔係話冇，但同以前往嘅街鄰街里關係比較，始終大不如前。有啲關係，真係要日積月累，日日接觸，或者持續經常幫襯咁建立出嚟。
譬如我日日返嚟，係旺角落車，經常都幫襯波鞋街檔報紙檔，佢過左十一點，就冇紙巾送，不過就會減壹蚊，我經常都同佢買，買到熟了，就都唔洗講要邊一份報紙，間中老闆佢可能會主動話，唔好意思，今日入得少左紙，乜報賣哂囉，咁我就都話聲唔該，就唯有去第二檔買咯。雖然係通過買報紙成為熟客，大家都可以仲係幾陌生，反而有日又如常去買報紙，老細佢見到我就大聲咁話，我噚晚見你上電視喎！結果都係要經過電視媒體，佢先至忽然知道咗我呢個客多一啲嘢。
又例如三餐呀，我唔係經常係油麻地呢頭食嘢，當初嚟到，多啲幫襯強記，佢有些似以前深水埗我間舖附近間茶餐廳，平平地又近近地，不過喺幾個熟街坊嘅介紹下，我依家都多咗幫襯朗豪坊車站上邊嗰個熟食中心，睇吓下次會唔會喺嗰度撞倒你？又或者你地仲有冇好介紹俾嚟呢？
一個人的煮:銀芽炒三絲
一個家常到不得了的菜式，相信各位看官比我煮得更在行。除了銀芽之外，其餘兩絲均可自由搭配：九菜切段+蛋絲 / 火腿+蛋 / 蘿蔔絲+豆乾絲 / 中芹+肉絲......
若然你喜歡用火腿絲作配料，切記！不要到PK超市買PK牌的，事關這個集團老闆是最喜歡賣發水野，樓就唔在講，就連火腿都係！所以真係唔好糊很塗塗咁貪平（其實都唔平），食D唔之咩落肚。
言歸正傳，一個三絲點樣炒得好食？主要係材料切得夠細，炒時無需太多時間：這絕對是一味準備時間比炒的時間長的菜式。以銀芽+中芹+肉絲為例，肉絲切塊後要再切絲，才能快熟，而中芹除切段外，最好就是再切絲，快炒時易熟兼保持中芹香味。銀芽，當然是最後下鑊，保其爽脆啦。
西九雙屏風 濁氣困籠中
「環保觸覺」曾研究，發現西九龍沿海土地的地積比過高，加上地段又大，明益發展商，減弱吹入旺角及油麻地的海風，從西九到大角咀都被一棟棟高聳的大廈阻擋，成為「屏風樓」重災區。最所謂「照顧民生」的區議會，究竟做過D乜幫我們市民？
其實只要你真係走去認識下油麻地所屬的油尖旺區議會，你就會明白，上年區議會選舉後，同樣出現了另一個更勢危的西九建制派屏風，１７個民選議員，１６個都係親建制派的兩大黨佔去。係人都知道對流的重要，偏偏我地街坊投票到泛民都唔爭啖氣之餘，政府就連最後三個委任議員都要係委任埋佢地友，簡直要做到滴風不漏的困籠圍城，問你死未？
猛咁盲目同政府同聲氣地講發展的建制派議員，走入冷氣房開會話區內熱氣濁氣污染嚴重喎，咁有鬼用咩！
訂閱：
文章 (Atom)